ठेठ पहाड़ी: फूलदेई ‘फुलसज्ञान’ में फोरियनी नानतिन

खबर शेयर करें -

उत्तराखण्ड आपड़ लोकपर्वो लीजि पुर देशम जाणि जा, देवभूमिक कण कण में देवी देवता विराजमान छै, पुर कुमाऊँक में भूमिथान, नगाणथान जैस थान पूजी जानी जिमे आदिमो दगेड़ खेतिबाड़ी, गोर भैस सबको रक्षाक लीजि पुज पाठ कनि, देली पुज कुड़क रक्षाक लीजि ले किजै। बसंत ऋतुक फूलदेई त्यार के नान तिनोक त्यारक नौ ले जड़ि जा, धुर जंगो सब जग फूल खिलनी, फूल खिली शुभ मानी जा जियक लीजि सब लोग सज्ञान मनानी, नान तिन रात्ति पर जंगो और शिमारपन जै बेर बुरांस, पियोली जैस भल दिखणी फूलों कें ल्यानी, फूल ल्याय बेर विधिविधानल गौ में सबौक देलीक पुज कनि, फूल और चाओ डालनी और ईष्टदेव कै याद कर बेर देली की नांगड़ी सबोक उन्नतिक कामना कनि,

जाक देली नानतिन पूजनी युवक गुसै सब नानतिनको कै गुड़, चाओ और पैस दियु। नानतिन फूलदेई दिन खूब फोरियनी यानी उ दिन नानतिनुक खुशिक ठिकान निं रहूंन, हमौक़े आपड़ पहाड़क त्यारो कै आणि वा पीढ़ियों के बताण पड़ौल और संस्कृति के समझण ले पड़ौल। फूलदेई जैस पहाड़क आपड़ त्यारोक माध्यमल नई पीढ़ियों के आपड़ संस्कृति के बचौणे लीजि सबु के आगिन आड़ पड़ौल।