कुमांउनी रचना (वैक्सीन जरूर लगाया )

खबर शेयर करें -

सबै वैक्सीन जरूर लगाया,
कोराना कैं मिलबेर भगाया।…..
अठारह उमर हौली या पैंतालीस पारा,
गौं गौनूंमें टीका केन्द्र बणां रै सरकारा।
आनलाईन रजिस्ट्रेशन अठारह बै पारा,
पैंतालीस पार सबैं टीका केन्द्र द्वारा।
आपण बारी बारी केन्द्र में सब जाया।
सबै वैक्सीन जरूर लगाया,
कोराना कैं मिलबेर भगाया।…..
अफवाहों पर कभैं क्वें निं दिया तुम ध्याना,
ठुल छौ सबूं हैबेर यौ मानवकिं ज्याना।
कोवैक्सीन कोविशिल्ड जे मिलौ लगाया,
आपूं लैं लगाया सबैं परिवार कैं लगाया।
मिलबे आब सबूंकैं समझाया,
टीका केन्द्र लै सबैं आब जाया।
सबै वैक्सीन जरूर लगाया,
कोराना कैं मिलबेर भगाया।…..
आपण कर्तव्यों कैं सबूंकैं निभाण छूँ,
मानव प्राण देश हित सबूंकैं बचाण छूँ।
बारी बारी केन्द्रों में टीक आब लगाण छूँ,
भलिं सोच नयी उमंग मन में जगाण छूँ।
सबैं जागरूकता मिलबे फैलाया।
हर जन जन अभियान चलाया।
सबै वैक्सीन जरूर लगाया,
कोराना कैं मिलबेर भगाया।…..
साहस लै संकटका दिन कटिं जाला,
प्रेम भाव मानवता जब मन में बरसाला।
टीका एक डोज दूसरी डोज सबूंकैं लगाण छूँ,
सुरक्षा कोरोना बचाव फिर लै अपनाण छूँ।
आब मास्क सदा मुख में लगाया,
स्वच्छता, द्वी गज दूरी अपनाया।
सबै वैक्सीन जरूर लगाया,
कोराना कैं मिलबेर भगाया।…..